ЎРИС ҚИЗНИ НИМА ҚИЛАСИЗ?

{ Ҳазил шеър }

Москов деган жойда юрганда,
Ўз юртингиз қадрин биласиз.
Шунча ўзбек қизлар турганда,
Ўрис қизни нима қиласиз? 

Бўйни узун беллари арриқ,
Бурни пучуқ сочлари сариқ,
Агар сизни кечирмас тарих,
Ўрис қизни нима қиласиз? 

Сирға тақиб олган бурнига,
Шамол тегиб турар қорнига,
Бўйдоқ ўтинг унинг ўрнига,
Ўрис қизни нима қиласиз? 

Ёр-ёрларсиз аёл бўлади,
Кимда яхши хаёл бўлади,
Менда битта савол бўлади,
Ўрис қизни нима қиласиз? 

Ҳоҳиши йўқ она бўлишга,
Рози бўлмас бироооз тўлишга,
Қандай бош қўясиз болишга,
Ўрис қизни нима қиласиз? 

Кўзмунчоқсиз оппоқ билаги,
Енгсиз чала қолган кўйлаги,
Сигаретлар ярим бўлаги,
Ўрис қизни нима қиласиз? 

Жанон бўлиб жонни олмаса,
Гап талашиб гапдан қолмаса,
Ўзбекчани гапиролмаса,
Ўрис қизни нима қиласиз? 

Кўзларида юлдузлари йўқ,
Кечаси бор кундузлари йўқ,
Бир чиройли ҳур қизлари йўқ,
Ўрис қизни нима к
қиласиз? 

Зулайҳою Зуҳролар бизда,
Кумушбиби, Лайлолар бизда,
Ўзбек йигит номи бор сизда,
Ўрис қизни нима қиласиз?

© Зуҳра АЛИЗОДА